Marrazki bat aurkitu du liburu honetako protagonistak, eta haren jabea bilatzeko bideari ekiten dio. Hondatutako kaleetan bilatzen du, txikitutako eraikinetan eta ilaran edo ihesean den jendearen artean, laguna onik ote dagoen jakin nahian. Errimadun testuek irakurketa ozena sustatzen dute, eta haurren egunerokoari buruzko galderak izanik –beren ohituren, harremanen, kezken… ingurukoak–, elkarrizketa bultzatzen dute. Finean, liburuak gerra bizi duten haurrei buruzko hausnarketara gonbidatzen gaitu, enpatia lantzeko bide emanez.